Author Information
كنت ماشيه
Folder:
أغاني باللهجة المصرية
كنت ماشيه .. عادي جدّاً
والحياه رايقه معايا
والمزاج هادي و طبيعي
لما شفتك.. من بعيد
وماضي عشتو يوم معاك
فجأة زوّد في ولوعي
ووقفت الدنيا ثواني
بخطوتين بيني وبينك
وابتسامك مع دموعي
ولما سلّمت عليّا
نسيت ايدي بين ايديك
والخريف صحا ربيعي
كان زمان أنا قلت عدّا
والهوى حكايه وراحت
نارو قايده في ضلوعي
والسؤال ضيّع جوابو
احنا كنا بعدنا ليه
ويا سنيني ليه تضيعي
ورحت ماشيه في طريقي
قلبي يتلفّت وراه
وخطوتي ناويه رجوعي
سبت عقلي جريت عليك
والحنين ال عاش بيّا
ينوّر ال باقي ب شموعي
