Author Information
من يوم قلت
Folder:
أغاني
من يوم قلت وصوتَك ملبَّك
بحبِّك أنا .. شفت المدى حبَّك
لمعو عيوني بشي ألف نجمه
ومتل القمر ضوّيت ع دربك
صارو صابيعي قلام عطر ولون
وزهّر بجلدي الفل و الليلك
وعششو الطيور ب صدري
غنو الك .. طارو بسما قلبك
ومن يوم ايدك لامست ايدي
رفو فراشاتي مع كل تنهيده
صوتك حملني علا فيي وطار
لقيت الفرح هال فيه موعوده
وغفيت متل الحلم ع زندك
حضنك اخدني ع دني جديده
حسيت اني ملكت كل الكون
وكبرت بعيني قيمة وجودي
دخيل اسم الحب شو عمل فيي
لما ملك قلبي وجابك الي هديه
وخلا الدني احلا والعمر أغلا
ما اكرما سنين الهنا عليي
وحدي الأميره الساكنه قلبك
ووحدك أميري و نور عينيي
رح يبقا حبك لو بعمري يوم
شمس عم تضوي وظل بِ فيي
