Author Information
ملل
Folder:
دندنة
#ملل
تعا نلتقي صدفه
ونتعرف من جديد
نحكي بلا كلفه
ونبلش مواعيد
تقلي كأني بعرفك
وقلك انا متاكده
شفتك شي مره
من زمان بعيد
تعا نقتل الروتين
من قبل .. يقتلنا الملل
نرجّع فرح العيون
لما التقينا
بْجنينة العاشْقين
بتذُكر النسرين
شكلتو بشعري
وناديتني
يا حلوة الحلوين
ومن بعدها
قديش مرو سنين
تركنا مطارحنا
ع المقعد المهجور
تنين منسيين
ومشينا ب درب العمر
تهرب من الصدر الصور
ويدبل الياسمين
وبتذكر مكاتيب
عم تنقرا بالسر
وضمة عشق ممنوع
وقلبي اللي طار بلهفْتو
وخباك بين ضلوع
مرقت علينا هموم
ومدري كيف تكسّرو
قلام هالتلوين
بحبك انا وبتحبني
بس الملل سلطان
شوية زعل
دغري بتخبي الصور
بِ دفتر النسيان
ويمكن اذا بقينا سوا
نفتّق جروحات الهوى
ما يضل من احلامنا
الا ضنا وحرمان
