Author Information
كيف
Folder:
دندنة
#أغاني
قلّي بالله كيف
فيك تضلّ نضيف
بالك فاضي
وعايش راضي
وما همّك تخويف
و قلّي بالله كيف
وانتا بقلب الزيف
وشّك واحد
عم بيجاهد
كرمال الرغيف
وقلّي بالله كيف
ناسي ماضي الحيف
همّك حاضر
ما بتّاجر
بنيشان التعريف
وقلي بالله كيف
ما بتشوف الشيف
سكينو بيسنّ
بهاراتو بتحنّ
لنكون خواريف
شو نفع التوصيف
قلي شو بيضيف
مقصّن جاهز
وانتا عاجز
قدام التحريف
امشي ع الرصيف
وبلا عجقة تصنيف
هادا مسالم
هادا ظالم
بإيدو حامل سيف
بإيدي مي وليف
ونازله تنضيف
فكري بقدر
شعره غيّر
وقولو يا لطيف
