Author Information
فيك تقلي
Folder:
دندنة
فيك تقلّي.. كيف وصلنا أنا وياك.. لَ هالنقطه
ابدينا بمزحه.. وكلمه بكلمه.. غلطه بغلطه
صار بدنا نترك ونفارق
مع انو تعوّدنا نخانق
وانو نعلق.. بعض ندايق
طيب... اهدا شويي متلي
وتعا نقعد شي خمس دْقايق
نجرّب انو سوا نتزكّر
هالحب اللي فينا زهّر
ونسابق هالعمر المارق ..
لا تقلّي.. انتي ال بديتي.. وبدّك هيك
أنا ما بدّي.. قلبي بعدو معلّق فيك
وبعرف انك.. لما تقلّي..
لازم روح... وفيكي تروحي
قصدك انو تعزّب روحي
حتى رد بقسوه عليك
وبكّيك وابكي من جروحي
طيب دخلك اسمعني ليك
رح غيب شوي وارجعلك
وانتا لمّ قزاز القلب
واغلي قهوة شوق ولهفه
نشربها شفّه ورا شفّه
وننسى كيف زعلنا هيك
