Author Information
كفّي كذب
Folder:
دندنة
كفّي كذبْ
طالع من جيابك سحرْ
رشرش عطر.. فتِّح زهر
طالع فجر .. نزّل مطر
وارسم ب حكياتك صورْ
جنّات عا مدّ النظرْ
وشموس تضحك للعشبْ
وقلّي ع غفله هالقلب
شافك متل طلة قمر
و دغري وقع بالحب
كفّي كذبْ
غني متل ناي القصب
نغمات حلوه مدوزَنه
ارقص معي رقص الغجرْ
وخلّي الدني غير الدني
واقرالي شعر من الكتِب
لمّع أساور هالدهب
فكرك أنا رح صدّقك
ورح دوخ من هالحب
كفّي كذبْ
مسكّر طريق القلب
كفّي كذبْ
اطفي ب دمعك لوعتي
وامسح عن القلب التعب
عيونك اعتادو عالبكي
وبيدمّعو من غير سبب
افرش وعودك عالدرب
خلي الغزل .. متل العسل
وبْ طبعي ما بحب الحلو
غير بطبعي صعب
بيكفّي لعب
قصير حبل الكذب
