Author Information
بحبك والقدر حالف
Folder:
أغاني باللهجة المصرية
بحبَّك والقدر حالف
يكتب عشق فاق الوصف
على طير بجِناحو رف
على الميّه وعلى الشطّين
على الموجه ورا التانيه
وِهيا رايحه او جايه
وعلى صوت المَرَكْبيّه
يفيض لهفه وشوق وحنين
وعلى الشمس لما تغيب
بتغرق والقلوب بتدوب
كإن البحر حُضن حبيب
عيون تسأل دي راحت فين
***
بحبك والورود بتميل
نسيم زيي بيسري عليل
وقمر نوّر ظلام الليل
بيروي محبتو للناس
ملاك الحب يحمينا
يبارك لينا ليالينا
يطوف وبإيدو يسقينا
حلاوة إل رضا في الكاس
سكون وسكوت مالينا
مافيش في الجو حوالينا
غير انغام بتشجينا
تلاعب رقة الاحساس
****
بحبك لو تخاصمني
بحبك لو تراضيني
ولو تقسا ولو تنسا
ولو روحك تواسيني
بحبك لو تونّسني
ولو تبعد وتوحشني
وبشتقلك وانا جنبك
وإنتا بِعيد عن عيني
بحبك قبل ما أشوفك
وقبل ما الهوى يجيبك
ودلوقتي وبكرا بحب
تبقى عمري وسنيني
