Author Information
مواويل العتب
Folder:
دندنة
لا تفتحي بواب العتب
يمكن ما فينا نسكّرا بعدين
ولا ترمي حملك ع التعب
يمكن ما فيه يشيل حمل تنين
ولا تسألي مين السبب
ما عاد تحرز نضل نسأل مين
شوفي الدني قسيت ع كلشي حب
لا تكوني متلا رح أخسرك تخمين
قومي غزلي خيوط القصب
ضحكة فرح تضوي عتم السنين
يلله ارسمي بعيني درب
وشمس وزهر ب قلام هالتلوين
ولو قالو عن شعرك كزب
ما انتي وانا تنين كزّابين
يا صوت رنّ بهالقلب
ودهّب بعمري يا ورق تشرين
