Author Information
بناديلك
Folder:
دندنة
عم ناديلك
وبالليل بضوي قناديلك
وينك انتي
شو اتأخرتي
وشو كتر الحكي اللي ناطر
اللي ناطر حتى احكيلك
عم ناديلك
وبتخيل حالي مقابيلك
يبسو شفافي تشقق صدري
شو تأخرتي وهرهر عمري
حتى بدمعي عم غنيلك
###
قالو الحلم
مهما تأخر
رح يتحقق
وقالو الليل
مهما طول
صبحو بيشرق
وقالو الشوق
لما يكبر
وعدو بيصدق
وانا صدقت اللي قالوه
ورح انتظر نهاري وليلك
###
عم شوفك حتى بأحلامي
الفرح اللي يلوّن أيامي
واتحزّر شو ممكن اسمك
وشي قرب صوبك لضمك
كيف يهرب مني منامي
وحتى سنيني وسنا ايامي
لا خلصو احلامي بيوم
ولا صوتي بطّل يندهلك
#######
