Author Information
بعدك
Folder:
دندنة
بعدك يا قنديل المسا عم تذكرو
وقديش ضويتك انا ليشوف
وبعدا الرسايل تحت نورك ينقَرو
وتضيع بالدمع الحروف
بعدا القصايد والصور
بعدو النغم يجنن وتر
ولا المرايا تكسّرو
بعدو الحلم عم ينتظر
نرجع الو بغفلة عمر
ولا الوقت رحلة قهر
وكل الدُروب تسكّرو
قلبك مدى.. لما انفتح طرنا سوا
ابدينا العمر من اولو
وقلبي بحر مجنون ب هبة هوا
تنيناتنا غرقنا.. وعطَشنا ما ارتوا
ومن بعدها دبل الورد يا حب
سهرو عيون القلب
وتشابهت من بعدها ايامنا
وليل العشق ما اطولو
ثناء درويش
٢٨-٥-٢٠٢٠
