PostPoems Be Artistic. Be Creative. Be Inspired!

قديش بدنا يا دني صابون

لنغسّل تيابك

و أنفاس حب تزيح هالكربون

ليزهّر ترابك

و قديش بعد في علينا ديون

لل دنّسوا عْتابك

أول درس..  يا نكون يا ما نكون

درسناه بكتابك

و راح العمر بين عاقل ومجنون

ما أطولو حسابك

مهلك علينا يا دني

نحنا اجينا ضيوف

ما عشنا عمرك هالهني

وياما أكلنا كفوف

شفنا اللي علّاهن نصب

شفنا اللي سرقونا غصب

وقديش طيبك يا قلب

سطّر حكي وحروف

ويا هالدني بعدي متل ما كنت

ديني المحبه .. وعنها انا ما تبت

وعم أسألك يا حيف

كيف انقلبتي وكيف

ماعاد هواكي نضيف

عم تنصري الظالم

ومافي حدا بدموعنا عالم

ومادد لجوع الروح

لنّو رغيف

يا ريتني متلك انا تغيرت

لا .. لا .. يا دنيي

رح ضل لحالي وفي..

وعهد الوفا ما خنت