Author Information
كلمة ونغمه
Folder:
دندنة
غنيتي عن كلمه ونغمه
جمعتهن عالخير النعمه
تنيناتن شو حبّو حالن
وحسّو انن متل النسمه
متل الضو القاصد بكرا
متل ال مي ال عم يتمرا
بخْيالو ومشتاق الضمه
مرّه وكان الوقت سكوت
بقلب العتمه قعدت كلمه
عم تكتب وتمحّي سطور
تضوّي قمار.. تقطف نجمه
سمعت عطر بتعرف لحنو
أهل المغنى فيه تغنّو
وهوي بعد يقلا شمّي
لبسو المعنى توب مهفهف
طارو وعلّو .. غلّو بغيمه
شتّو فرح وضوو شموس
وزرع الأرض الهن يومي
سمعتهن صبيه حلوه
وهيي عم تغلي هالقهوه
قالت هالغنيه حلمي
وختيار اللي عمرو راح
قلا للختياره قومي
نرقص ع نغمة غنيه
انسي الشيبه وشوفي دمي
وفلاح ال راجع تعبان
عم بيدندن مو سألان
شو عليه الإيام بترمي
الغنيه ال من كلمه ونغمه
لما تتعب .. لما تروق
لما تنام ولما تفيق
غنيها وبإسما سمّي
