صرلا عمر يا حب
كفا بحضن ايديك
لا انت فلتّو
وهوي على بعدك
ما قدر مرّه
كفا متل عصفور
هربان
من حر الدني و البرد
كفا سما ونجوم
كفا أرض خضرا
ومرات لما
بتاخدو و بتجيب
بتضمو حتى تشرحو
زرار الورد بيفتّحو
من كل شكل زهرا
وبيبان هاك الكف
متل ال كأنو رغيف
لوجّ الصبح مندور
وعلقان بالنطره
**********************
و بالتم.. بالنظره
بتعد صابيعو
تهجّي خطوط الروح
حرف بحرف تقرا
ومتل ال كأنو نسيت
شو قريت شو عدّيت
بتبدا من الأول
لَ تفهم الفكره
و بتبسطو بيدر
بتزرعو بالوعد
بتشم عطر الورد
بيصير كفا كون
بيصير كفا سكون
شمس الدني ونورا
بتغمض عيونك
بتصلي عالسكّيت :
يا كفا .. يا منجّي
ضلّك وعد بكرا