PostPoems Be Artistic. Be Creative. Be Inspired!

ومتل ال كأنو
الشوق شي سنونو
ولاقا الدفا بقلبو

ومتل ال كأنو
معلّق عيونو
نجمات ع دربو

صدفه التقا
هالقلب بجنونو
وصار الحلم قربو

كل العمر
هال مر من دونو
وراق ما انكتبو

متل ال كأنو
بيعرفو مينو
قبل الدني
كان القدر حبو

يا شوق يا فْراشه وعطر
يا سحر عا مدّ النظر
يا عيون ناداها السهر
تغفا على وعدو

اكتبني على وراق الشجر
ارويني بحبات المطر
اشلحني ع شي مفرق سفر
بلكي الوفا يردّو

##:##

بعدا عيوني
عم تنطر رجوعو
وشو طالت النطره

ولسّا القلب
غرقان بدموعو
ومشتاق للغمره

خوفي انا
سنين الهنا يضيعو
يصير الهوى زكرى

يبقا العمر
اللي دابت شموعو
زهره بلا عطرا

يا شوق يا رفيق العمر
بالليل عم ترسم صور
ونغمات حنّو ع الوتر
تبعتهن مراسيل

قلّو القلب ياما انتظر
وهوّي لا حسّ ولا خبر
جبلي معك نور القمر
يضوّي عتم هالليل
##:##

ويمضا الوقت تلج وجمر
يدبل على غصنو الزهر
الشوق ال كتب اول سطر
بالدمع يمحي سطور

بِعد السما ووسع البحر
ول تخلص سنين العمر
الحلم اللي ب قلبي كبر
ضوّا العتم بالنور