Author Information
يمكن حاله
Folder:
دندنة
قولك هلّي بيني وبينك
هادا ال أسمو حب
ولا حاله وعشنا فيها
ونطلع منها صعب
يعني انتي بتحبيني
ولا بوجّك لاقيتيني
صدفه بنفس الدرب
شفتك أشواقي وحنيني
دغري ألفتك وألفتيني
واعتدنا ع القرب
قولك هلي بيني وبينك
هادا الأسمو حب
وكيف فينا نتأكد منو
من غير ما نجرب
شو رأيك أنا أبعِد عنك
وانتي روحي وحبي غيري
واختبري هالقلب
رح بتغاري لو شفتيني؟!
عم غازل غيرك بعيوني
ومتلك يمكن اتعب؟!
صعبه عليي شوفك حاله
يا مراية روحي وخيالي
كيف فيني جرّب انساكي
وانتي الحب الشاغل بالي
وانتي الحلم اللي تمنيتو
ورسمتو جنة آمالي
لكن رح قلك كرمالك
حبي غيري مو كرمالي
ولو يوم رجعتي بتلاقي
انك بعدك حبي الغالي
