Author Information
من سكات
Folder:
أغاني باللهجة المصرية
من سُكات
خدتِ بعضي ورحت ماشيه
والحنين ينده عليا
والبكا يجرّح خدودي
ويفرش الحزن بعينيا
سايبه ماضي وزكريات
وبين ضلوعي قلب خايف
تفضح الآه الشفايف
احضن الحلم اللي عشتو
وجرح روحي لسه نازف
ودمعي يبكي عمر فات
قلتلو يا قلب اهدا
وكان زمانو الليل عدّا
و فجر شقشق نور صباحو
وبان لعيني الصبر ورده
وحلمي علّا في سماه
زي طير الشوق ناداه
يغنّي ألحان الأماني
من الصّبا حتى البيات
