شو بقول

Folder: 
دندنة

 

شو بقول قلّي

يا قلب شو بقول

لْ زيز الحصاد ال ناطر يغني

بقلو في نار و سبقتك

رقصت بِ هالمحصول


و شو بقول لسنونو رجع

فكرو الربيع لرجعتو

هوّ ختم القبول

بقلّو حطب صار السجر

و عشّك بقا ذكرى و صور

بدمع القهر مبلول


وشو بقول 

لَ طفلي ال درس

انو الوطن مجد و عرس

ولمن كبر

لاقا العمر

خرزات عم تفرط

بإيدين كل مسؤول


لا يا قلب لا تقول

الكلمه خطيه وكفر

و حكام دنيا ودين

عطيوك درس الصبر

وعلّو ضهر الخيول



View ثناءدرويش's Full Portfolio