جنون

Folder: 
دندنة

 

 

#جنون


مجنون عم يحكي

وعاقل إجا يسمع

وكيف غرغرو عيونو

وكيف بلشت تدمع

كتير اشتها يكونو

او يلبس جنونو

ضل الوعي يخونو

بعقلو الو مطمع

و كيف ربّط حروفو

بحبال من خوفو

وكرمال ما نشوفو

بواب الحكي شمّع


مجنون عم يحكي

ستر الخفا يرفع

و عاقل بإسم ال صح

التوب البِلي رقّع

وعينو على المجذوب

الحرّ النقي الطيّوب

عم تنفتحو دروب

من غير ما يدفع

كرمال حريّه

ومنحه سماويّه

هيي هوا و ميي

وشموس عم تطلع


3/1/2020

View ثناءدرويش's Full Portfolio