Author Information
بطل بقا
Folder:
أغاني باللهجة المصرية .
بطّل بقا
المسخره.. و التريقه
و راجع كتابك يا ولد
من قبل ما حال البلد
يصبح كَ حبل المشنقه
ولحد ايمتا قللي بس
نايم وفاقد كل حس
حتى ضميرك
يعرف ايه حتى ضميرك
عن حكايات الشقا
شوف العيال..
يا دي الكسوف
فوق الرصيف
قعدو صفوف
وبطّلو يروحو مدارس
همّهم لقمه و رغيف
والحياه بإيد الكُبار متعلّقه
و بصّ لي
مرّه تملّي
وبعدها يا ريت تقلّي
انت مين بعيون نفسك
قيمتك ايه من غير هدوم
ولو في يوم
راحت فلوسك زي أنسك
فينهم صحابك
اللي ياما دقو بابك
همّا برضو
صبحو عيدان المحرقه
