Author Information
يا شعر.. يا كذّاب
Folder:
دندنة
كفّي كذبْ
يا حاوي يا ناي القصبْ
طالع من جرابك سحرْ
طالع أرانب
أو سناجب
أو هرر
طالع قمر
نزّل مطر
وارسم بكلماتك صورْ
جنّات عا مدّ النظرْ
وشموس تضحك للعشبْ
كفّي كذبْ
غازل خيالك هالخصبْ
وارقص معو رقص الغجرْ
خلّي الدني غير الدني
حلّي مرارة هالعمرْ
وقول الشعر مجد انكتبْ
كفّي كذبْ
ولمّع أساور هالدهبْ
وبالليل لا تنسا أمرْ
غسّل بدمعك هالشعرْ
من كل كذباتك معو
بلكي بيقبلك عذرْ
أنك أنت كنت السببْ
وانو البري
متل الطفل مالو ذنبْ
