Author Information
يا زريف الطول ميل عا صوريف
Folder:
زريفيات زريف الطول
يا زريف الطول ميل عا صوريف
شعر: مريم العموري
يا زريف الطول ميّل عا صوريف
ونقّيلك مُهرة يابو الدم الخفيف
متلهف ريحانو هالصبح الوليف
تيسبّل عينيك ويمشي فْجلالك
يا زريف الطول وما همّك سجان
طول سنين القهر وما اهتزّ الإيمان
حب الأقصى يسري منك في الوجدان
تشهدلك يا محمد ساحة نضالك
يا زريف الطول ويابو الكوفية
لوحدك بتواجه.. قوة دنيّة
وشو ما دبّرولك.. روحك أبيّة
يالحر بن الحر افعل ما بَدَالك
يا زريف الطول وماشي عا مهلك
دورا من هالغار الأخضر تغزللك
شهّل يا عيني هالحلوة بتندهلك
تتبوس البطل وتنشد موّالك
يا زريف الطول ويا المسك الفوّاح
من باب العامود .. لَوَادي التفاح
وشعبك من وراك حالف ما يرتاح
تيحقق في القدس الحرة آمالك
7/27/2016
