PostPoems Be Artistic. Be Creative. Be Inspired!

Kaban’ng naukban, kaban’ng karaan

Kabilin sa ginikanan

Kaban’ng naukban, kaban’ng karaan

Puno sa kahibulungan



Nahibulong ako nga daghan ug sulod

Mga nindot sinina’ng mora’g wa pa masul-ob

Apan dunay usa nga lahi sa tanan

Kay ang iyang kolor di ko na masabtan



Akong gipunit ang sapot nga nahibudngan

Pug-aw nga asul, pug-aw sa kakaraan

Ngano kahang kini rama’y napug-aw

Basin moray gisul-ob sa tag-iya matag adlaw



Mao usab kita, puno unta’ng kaban

Apan subong palandungon nahadlok maablihan

Nabalaka nga dili makuyog sa panon

Apan sa higayon nawani na hinoon